Znamo da je u toku užurbane radne nedjelje najjednostavnije nešto naručiti za ručak, ali osim što nije povoljno za vaš novčanik, nije ni zdravo. Donosimo vam pet jednostavnih, a zdravih jela koja ćete moći ponijeti na posao.

Salata u tegli

Ako imate jako malo vremena za pripremu ručka, ovo je idealan recept za vas. Uzmite čistu teglu i u nju na dno stavite začine, ulje i sirće za svoju salatu. Zatim na to poređajte sve omiljene sastojke koje želite u svojoj salati te je dobro zatvorite.

Tako će vam salata ostati svježa, i sirće neće iscuriti. Prije nego je poželite pojesti, samo sve dobro promućkajte i imaćete savršeni zdrav ručak. U salatu možete staviti sve što volite, a kako bi vas što duže držala sitim, uz povrće stavite i komadiće tunjevine ili pržene piletine.

Tortilja s povrćem

Iako možda preferirate toplu tortilju s kuvanim sosom, nije ponekad loše, ako nemate vremena, složiti hladnu tortilju sa sirovim povrćem. Nasjeckajte povrće po želji i narendajte malo sira te sve složite u tortilju i zamotajte je. Vrlo jednostavan, zdrav i lagan ručak, a ako vam nedostaje sočnosti, uz tortilju popijte jogurt.

14727562_1113488732081315_693119554485747712_n

Sendvič od tunjevine

Iako sendviči ne slove za zdrav obrok, ako koristite dobre sastojke oni to itekako mogu biti. Uzmite konzervu tune, malo senfa, malo majoneze i sve pomješajte. Kupite ražani ili heljdin hljeb i napravite sendvič od svih sastojaka. Ako ovom sendviču želite dodati još dobrih kalorija, dodajte paradajz, paprike, luk ili salatu. Imaćete odličan i zdrav ručak koji je brzo gotov, a bogat je proteinima i vlaknima.

Sendvič od jaja i avokada 

Još jedan zdravi sendvič može vam biti na nedjeljnom jelovniku.

Kupite opet heljdin hljeb, skuvajte jaje ili ga ispecite na oko i narežite avokado na komadiće ili ga usitnite viljuškom. Složite sve u sendvič i dodajte paradajz, luk ili papriku. S obzirom da je avokado bogat dobrim masnoćama, ovaj sendvič u sebi će osim njih sadržavati i proteine i vlakna pa nakon jela nećete ogladniti brzo.

14099745_1099825040103699_401359423_n

Riža sa sosom koji se ne kuva

Znamo koliko vam je mrsko stajanje nad šporetom uveče nakon posla pa vam predlažemo rižu sa sosom koji se ne kuva. Integralnu rižu lako je skuvati i kada je ona gotova dodajte joj malo pasulja, malo kukuruza i sve prelijte mješavinom grčkog jogurta i sosa od paradajza. Sve začinite po želji i imate zdrav i brz ručak.

Izvor: fashion.hr