Pogodno je za sve tipove kože, čak i za masniju kožu. Ne zapušava pore i brzo se upija, pa ne ostavlja masni trag. Upotrebite ga umjesto kreme za lice ili losiona za tijelo, posebno ako imate suvu ili zrelu kožu, ili s nekoliko kapi čistog ulja obogatite omiljeni hidratantni proizvod…

Berberske žene iz Maroka, usprkos grubim klimatskim promjenama, poznate su po svojoj egzotičnoj ljepoti, a njihova tajna već neko vrijeme nije tajna. Svoju kožu, nokte i kosu generacijama neguju arganovim (marokanskim) uljem, koje koriste i u ishrani, piše Sensa.

Arganovo ulje, koje se i danas proizvodi ručno, na tradicionalan način, obiluje antioksidansima, pomlađujućim vitaminom E i masnim kiselinama čije djelovanje ublažava bore i tretira akne, ožiljke i ekceme.

Hladno presovano organsko arganovo ulje služi za njegu cijelog tijela. Pogodno je za sve tipove kože, čak i za masniju kožu. Ne zapušava pore i brzo se upija, pa ne ostavlja masni trag. Upotrebite ga umjesto kreme za lice ili losiona za tijelo, posebno ako imate suvu ili zrelu kožu ili s nekoliko kapi čistog ulja obogatite omiljeni hidratantni proizvod.

Prije spavanja uljem namažite ruke i nokte, jer argan jača krhke nokte i regeneriše oštećenu kožu. Njime se tretiraju i akne, jer kontroliše lučenje sebuma i podstiče brže zacjeljivanje tkiva, a trudnice njeguju kožu tijela za prevenciju strija.

Arganovo ulje koristi se i za njegu kose. Nanesite 2 do 3 kapi na suvu ili mokru kosu, ostavite da djeluje barem pola sata, pa kosu operite blagim šamponom. Zaštitiće kosu od štetnih spoljašnjih uticaja, nahraniće je i ojačati, dajući joj zdrav sjaj.