Neke namirnice brže se pokvare ako ih čuvamo u kuhinjskim ormarićima na sobnoj temperaturi, dok se drugima značajno produži rok trajanja ako ih držimo u frižideru. Evo koje biste namirnice trebali staviti u frižider (i zamrzivač).

Brašno

Iako ga obično držimo u ostavi, brašno bi nakon kupovine trebalo držati u zamrzivaču 48 sati kako bi se uništile sve eventualne larve i dijelovi insekata u njemu. Nakon toga, brašno treba da stavite u čistu, suvu i hermetički zatvorenu kutiju na tamno i hladno mjesto. Ako kutiju ostavite u frižideru, produžićete mu rok trajanja.

Neke vrste ulja

Jestiva ulja treba čuvati na hladnim i mračnim mjestima, odnosno dalje od izvora toplote i svjetlosti. Ništa neće dogoditi ako klasična biljna ulja od suncokreta ili masline držite u ostavi, u frižider biste trebali da stavite sva “osjetljivija” ulja poput onih od avokada, sjemenki grožđa, lješnika, susama ili tartufa. Ista ulja poželjno je staviti u frižider nakon otvaranja, jer ćete tako produžiti rok trajanja tih namirnica.

Sušeno voće

Istraživanja su pokazala da sušeno voće poput grožđica, breskvi ili šljiva ima rok trajanja od šest mjeseci do godinu dana. To se vrijeme udvostručuje ako ih držite u frižideru.

Lanene sjemenke i sjemenke od konoplje 

Lanene i konopljine sjemenke odličan su (biljni) izvor omega-3 masnih kiselina, koje se nalaze na jelovniku osoba koje ne konzumiraju hranu životinjskog porijekla. Riječ je o namirnicama koje su podložne brzom kvarenju. Upravo zato biste trebali da ih držate u frižideru.

Kupovne tortilje

Kupovne tortilje možete držati na sobnoj temperaturi i koristiti ih do datuma naznačenog na pakovanju. Ipak, to se vrijeme utrostručuje ako ih držite u frižideru.