Zasladite se desertom za koji vam neće biti potrebno mnogo vremena za pripremu, a koji će vas oduševiti svojim ukusom.

Sastojci (za 8 ćurosa):

– 250ml vrele vode
– 2 male kašike šećera + za dekoraciju
– 2 kašike ulja od uljane repice
– 1 šolja brašna
– 2 jajeta
– cimet
– čokoladni fil (običan krem ili Nutella)
– ulje za prženje

Priprema:

U jednoj posudi pomiješajte vodu, šećer i ulje uljane repice i držite na ringli dok smjesa ne provri. Sklonite sa ringle i dodajte brašno i miješajte dok ne dobijete smjesu koja ima konzistenciju poput paste. Provjerite da nema balončiće.

Dodajte jaja – jedno po jedno – i ponovo dobro promiješajte. Ubacite dobijeno tijesto u kalup za tulumbe ili kesu za ukrašavanje torti. Na pleh na koji ste prethodno stavili papir za pečenje, “iscijedite” iz kalupa osam ćurosa. Stavite u zamrzivač na 45 minuta. U međuvremenu, zagrijte ulje na 180C u dubokoj šerpi u kojoj ćete pržiti tijesto. Ubacite zamrznute ćurose i pržite dok ne postanu zlatno-braon, a zatim ih stavite na tanjir.

Uz pomoć slamčice napravite rupu u sredini ćurosa, kako biste napravili mjesta za fil. Pomiješajte šećer i cimet i uvaljajte ćurose u smjesu. Zatim napunite ćurose kremom po želji i spremni su za konzumiranje.

Prijatno i uživajte!