Ako ste uvijek u gužvi i nemate vremena za komplikovane slatkiše, ovaj recept je idealan za vas. Za pripremu vam je potrebno bukvalno pet minuta, a toliko je sočan i ukusan da ćete ga stalno praviti.

Posebno je pogodana za dijabetičare, a u tom slučaju samo umjesto “obične” čokolade za glazuru, koristite onu za dijabetičare.

Sastojci:

  • 2 banane
  • 2 jajeta
  • 4 kašike kakaoa
  • 1/2 kašičice praška za pecivo

Glazura:

  • 50 g čokolade
  • 45 ml mlijeka
  • 15 g putera

Priprema:

Jaja razlupati, pa staviti u blender. Dodati isjeckane banane, kakao i prašak za pecivo i dobro umutiti da se dobije glatka smjesa. Izliti u nauljen kalup prečnika 14 cm i peći u mikrotalasnoj rerni 5-8 minuta. Čokoladu preliti mlijekom i dodati puter, pa sve zagrijati da se lijepo istopi i sjedini. Pečen kolač prevrnuti na tacnu, pa preliti čokoladnom glazurom. Ostaviti da malo odstoji da upije čokoladu, sjeći i služiti.

Zapratite nas i putem Vibera. Kliknite OVDJE i pridružite nam se! 🙂